بہاولپور میں 09 سالہ بچی سے زیادتی اور قتل میں ملوث درندے اپنے انجام کو پہنچ گئے،
بہاولپور میں مبینہ پولیس مقابلے کے دوران 4 ملزمان اپنے ہی ساتھیوں کی فائرنگ سے ہلاک ہوگئے،پولیس کے مطابق ملزمان 10 سالہ بچی کے ساتھ اجتماعی زیادتی کے بعد اسے قتل کرنے کے الزام میں گرفتار تھے، پولیس انھیں تھانہ صدر بہاول پور لے جا رہی تھی جس دوران واقعہ پیش آیا، واقعے کے دوران چاروں ملزمان اپنے ہی ساتھیوں کی فائرنگ سے ہلاک ہوئے جن میں سے 2 سگے بھائی اور ان کا کزن بھی شامل ہے
ترجمان پولیس کے مطابق بہاولپور پولیس ملزمان کو مال مقدمہ کی برآمدگی کے لئے لے جا رہی تھی، پولیس نے ڈی این اے کے ذریعے سراغ لگا کر ملزموں کو گرفتار کیا تھا، چاروں ملزمان کمسن بچی کے قریبی رشتے دار تھے، ملزمان نے چند روز قبل کم سن بچی کو درندگی کا نشانہ بنانے کے بعد انتہائی سفاکی سے قتل کر دیا تھا۔
وزیرِ اعلیٰ پنجاب مریم نواز شریف کے ویژن ( Never Again ) اور آئی جی پنجاب ڈاکٹر عثمان انور کی ہدایت پر پنجاب پولیس خواتین اور بچوں پر ظلم و زیادتی کے حوالے سے زیرو ٹالرنس پالیسی پر عمل پیرا ہیں۔
