قصور
ضلع بھر کی سڑکوں پر اوور لوڈنگ،اوور سپیڈ گاڑیاں بے لگام،لوگوں کو کچلنا گاڑیوں کا کام،شہری سخت پریشان
تفصیلات کے مطابق قصور کی تحصیل کوٹ رادھا کشن میں تیز رفتار ٹریکٹر ٹرالی کی ٹکر سے 30 سالہ نوجوان جاں بحق ہو گیا
ضلع بھر کی مین شاہراہوں پر ٹریکٹر ٹرالیوں، ڈمپروں اور بڑی گاڑیوں کی بے قابو رفتار کے باعث قیمتی انسانی جانوں کا ضیاع روز کا معمول بنتا جا رہا ہے
کوٹ رادھا کشن کے نواحی علاقے گھنیکی کے قریب ایک افسوسناک حادثہ پیش آیا جہاں تیس سالہ نوجوان موٹر سائیکل پر سوار ہو کر رائے ونڈ جا رہا تھا کہ پیچھے سے آنے والی تیز رفتار ٹریکٹر ٹرالی نے اسے کچل ڈالا
ریسکیو ذرائع کے مطابق حادثہ اس قدر شدید تھا کہ نوجوان موقع پر ہی جاں بحق ہو گیا اطلاع ملتے ہی ریسکیو ٹیم موقع پر پہنچ گئی اور لاش کو تحویل میں لے کر ہسپتال منتقل کر دیا
واقعہ کے بعد علاقہ میں سوگ کی فضا چھا گئی جبکہ شہریوں نے مین شاہراہوں پر بھاری گاڑیوں کی بے لگام رفتار کے خلاف مؤثر کارروائی کا مطالبہ کیا ہے
شہریوں کا کہنا ہے اکیلے موٹر سائیکل سواروں کے چالانوں پر کچھ نظر ثانی کرکے بڑی گاڑیوں پر بھی نظر ڈالی جائے تاکہ قیمتی جانوں کے ضیاع کو روکا جا سکے
