مظفرگڑھ میں 16سالہ لڑکی کا رشتہ نہ ملنے کے رنج میں لڑکی پر مبینہ طور پٹرول چھڑک کر آگ لگا دی.مرکزی ملزم کو پولیس نے گرفتار کرلیا.مظفرگڑھ کے علاقے بیٹ میرہزار میں گھر میں سوئی ہوئی 16 سالہ لڑکی پر مبینہ طور پر پٹرول چھڑک کر آگ لگا دی گئی.پولیس کیمطابق آگ لگنے کے باعث لڑکی کے جسم کا 50 فیصد حصہ متاثر ہوا ہے،متاثرہ لڑکی مصباح کو تشویشناک حالت میں ڈی ایچ کیو ہسپتال کے برن یونٹ منتقل کردیا گیا ہے.مصباح کے والدین کے پولیس کو دئیے گئے بیان کیمطابق علاقے کے رہائشی محمد یوسف نے مصباح کا رشتہ مانگا تھا اور رشتہ نہ ملنے کے رنج میں مصباح کو آگ لگائی گئی.پولیس کیمطابق واقعے کا مقدمہ محمد یوسف اور اسکے نامعلوم ساتھی کیخلاف تھانہ بیٹ میرہزار میں درج کرکے مرکزی ملزم یوسف کو گرفتار کرلیا گیا ہے،پولیس کیمطابق ملزم کے ساتھی کو بھی جلد گرفتار کرلیا جائے گا.
ظالموں نے رشتہ کے تنازعہ پر 16سالہ لڑکی جلادی
