عید الاضحی پر فیصل آباد کی تمام اہم جیلوں کی سکیورٹی کو ہائی الرٹ رکھنے کی ہدایت

فیصل آباد (اے پی پی) عید الاضحی پر پنجاب کی تمام اہم جیلوں کی سکیورٹی ہائی الرٹ رکھنے کی ہدایت کی گئی ہے اور سکیورٹی کے فول پروف انتظامات کی غرض سے سینٹرل جیل فیصل آباد سمیت دیگر ہائی سکیورٹی بیرکس پر مشتمل جیلوں کے افسرا ن و اہلکاران سے کہاگیاہے کہ وہ عید ا لاضحی کے ایام میں کسی بھی نا خوشگوار واقعہ سے بچنے کیلئے حفاظتی و تدارکی اقدامات مکمل رکھیں۔ جیل خانہ جات پنجاب کے ذرائع نے بتایاکہ اس سلسلہ میں جاری کئے گئے مراسلہ میں یہ بھی کہاگیاہے کہ ایسے جیل اہلکار جو جیل سے باہر کرایوں کے مکانات یا ذاتی رہائشوں میں قیام پذیر ہیں و ہ بھی عید کے ایام میں جیلوں سے ملحقہ اسیروں کیلئے تعمیر کئے گئے فیملی رومز میں شفٹ ہوں تاکہ کسی بھی ضرورت کی صورت میں ان کی خدمات سے فوری استفادہ کیاجاسکے۔ یہاں یہ امر بھی قابل ذکر ہے کہ سینٹرل جیل فیصل آباد، سینٹرل جیل لاہور، سینٹرل جیل اڈیالہ راولپنڈی اور سینٹرل جیل ملتان میں قائم ہائی سکیورٹی بیرکس میں ہائی پروفائل اسیر موجود ہیں جن کی حفاظت کیلئے عید ا لاضحی پر خصوصی انتظامات کا حکم دیاگیاہے۔

جواب چھوڑیں

آپ کا ای میل ایڈریس شائع نہیں کیا جائے گا.