آزادکشمیر میں زلزلہ شہداء کیلئے دعائے مغفرت زخمیوں کی جلد صحت یابی کیلئے دعائیں

مظفرآباد۔ (اے پی پی)آزادکشمیر میں ایک بار پھر قیامت خیز زلزلہ‘میرپور آزادکشمیر زلزلہ سے لرز اٹھا عمارتیں سڑکیں‘بری طرح متاثرآزادجموں وکشمیر بار کونسل کی کال پر وکلاء نے پورے آزادکشمیر میں گزشتہ روز یوم سوگ منایا زلزلہ میں شہید ہونے والوں کیلئے دعائے مغفرت زخمیوں کی جلد صحت یابی کیلئے دعائیں کی گئیں، سول ادارے اور انتظامیہ زلزلہ سے متاثرین کی فوری امداد کریں اور تعمیر نو اور بحالی کے عمل کیلئے ایک جامعہ پالیسی وضع کی جائے تاکہ زلزلہ میں متاثر ہونے والے افراد کی مشکلات کم ہوسکیں۔ان خیالات کااظہار آزادجموں وکشمیر بار کونسل کے وائس چیئرمین چوہدری شکیل زمان ایڈووکیٹ نے اپنے ایک اخباری بیان میں کیا۔ انہوں نے کہاکہ حکومت متاثرین کی بحالی اور انہیں خوراک طبی سہولیات کی فراہمی کے لئے فوری اقدامات کرے۔