آل پنجاب یکجہتی کشمیر کبڈی ٹورنامنٹ اختتام پذیر

فیصل آباد( محمد اویس)ڈویژنل سپورٹس ڈیپارٹمنٹ ساتواں تین روزہ آل پنجاب یکجہتی کشمیر کبڈی ٹورنامنٹ چک 3 رام دیوالی سرگودھا روڑ میں اختتام پذیر ہوگیا جو شیر پنجاب کبڈی کلب نے جیت لیا جبکہ قادرآباد کلب کی ٹیم نے دوسری پوزیشن حاصل کرکے باالترتیب ڈیڑھ لاکھ اور ایک لاکھ روپے کا نقد انعام جیتا۔ڈویژنل کمشنر محمود جاوید بھٹی اور آرپی او غلام محمود ڈوگرفائنل میچ کے موقع پر مہمان خصوصی تھے جبکہ ایس ایس پی اپریشنز سید علی رضا،ڈویژنل وڈسٹرکٹ سپورٹس افسران چوہدری طارق نذیر،رانا حماد اقبال کے علاوہ منتظمین اور شائقین بھی موجود تھے۔کمشنر نے یکجہتی کشمیر کبڈی ٹورنامنٹ کے کامیاب انعقاد پرمنتظمین کی کاوشوں کو سراہا اور کہا کہ کبڈی اس خطہ کا پسندیدہ کھیل ہے جس کی ترویج وترقی کے لئے اقدامات جاری ہیں۔انہوں نے جیتنے والی ٹیم کو مبارکباد دیتے ہوئے ٹورنامنٹ میں شریک ٹیموں کے عمدہ کھیل کی تعریف کی۔آر پی او غلام محمود ڈوگر نے کبڈی ٹورنامنٹ کے انعقاد کو سراہا۔
۔۔۔///۔۔۔