اتحادی جماعتیں سوشل میڈیا پر دست وگریباں

کراچی:وفاق میں مل کر حکومت کرنے والے کبھی کبھار سوشل میڈیا کے ذریعے اپنا غصہ نکالنے پر مجبور ہوجاتے ہیں. پاکستان تحریک انصاف (پی ٹی آئی) کے رکن قومی اسمبلی عالمگیر خان نے سوشل میڈیا پر میئر کراچی وسیم اختر کو کھری کھری سنا دیں۔

ذرائع کے مطابق ایک ویڈیو میں عالمگیر خان نے الزام عائد کیا کہ گلشن اقبال 13 ڈی کی سڑک نجی بلڈر کیلئے کھودی گئی۔ذرائع کے مطابق معاملے پر میئر کراچی نے گورنر سندھ عمران اسماعیل سے رابطہ کرلیا۔

سوشل میڈیا پر دست و گریبان ہونے والوں کو گورنر سندھ نے عالمگیر خان اور وسیم اختر کو گورنر ہاؤس بلا کر معاملہ رفع دفع کرایا۔دوسری جانب کورنگی میں پانی کی لائن ڈالنے کا کریڈٹ لینے پر تحریک انصاف اور ایم کیو ایم کے رکن سندھ اسمبلی آمنے سامنے آگئے۔