اسسٹنٹ کمشنر کے چھاپے، دکانوں سے اشیاء قبضہ میں لے کر جلادیں

لوئر دیر ۔ (اے پی پی) اسسٹنٹ کمشنر جندول محسن صلاح الدین نے تحصیلدار اور ٹیم او منڈہ کیساتھ ملکر منڈہ بازار میں مختلف دکانوں پر چھاپے مارے، چھاپوں کے دوران دکانداروں کے لائسنس اور خوراکی اشیاء چپس،پاپڑ،چنہ چور اور ٹافیوں بشمول مختلف مشروبات کا معیار چیک کیا گیا جسمیں بھاری تعداد میں دو نمبر اور مضرِ صحت چپس پاپڑ ٹافیوں اور مشروبات سمیت مختلف خوراکی اشیاء قبضہ میں لے لی گئیں جنہیں بعد ازاں منڈہ اڈہ میں جلا دیا گیا۔ اے سی صلاح الدین نے واضح کیا کہ کھلی کچہری میں عوام نے ان خوراکی اشیاء کے خلاف کاروائی کا مطالبہ کیا تھا۔ انہوں نے عندیہ دیا کہ عوامی شکایات پر بہت جلد ہوٹلوں اور نانبائیوں کیخلاف بھی کارروائیاں شروع کی جائینگی۔