اسٹیٹ لائف انشورنس کی سیلز مینجر کرونا کی مریض

شیخوپورہ (نمائندہ باغی ٹی وی سے) شیخوپورہ میں کرونا وائرس کا شکار ہونے والی اسٹیٹ لائف انشورنس کی سیلز مینجر کا تعلق شہر کی گنجان آبادی کھوکھر محلہ بھکھی روڈ شبستان چوک سے ہے جو 26 ذائرین پر مشتمل وفد کے ساتھ 16 فروری کو ایران گئی تھی جہاں سے یہ وفد 5 مارچ کو واپس آیا خاتون کے خاندان کے ذرائع نے بتایا ہے کہ 5 مارچ کے بعد اس وفد کو 14 روز تک تفتان بارڈر پر بنائے جانے والے قرنطینہ سنٹر میں رکھا گیا جس کے بعد ان کو ملتان منتقل کر دیا گیا جہاں انہیں 15 روز رکھا گیا جہاں اس کے کرونا ٹیسٹ کا رزلٹ نیگیٹیو آیا تھا جس کے بعد انہیں گھر جانے کی اجازت دی گئی 3 روز قبل اسے گھر سے گرلز کالج شیخوپورہ کے قرنطینہ سنٹر لایا گیا جس کے بعد دوبارہ ٹیسٹ کرنے پر اس کا کرونا ٹیسٹ پازیٹیو پایا گیا ہے خاتون غیر شادی شدہ ہے