فیصل آباد (محمد اویس)ڈپٹی کمشنر محمد علی کی ہدایت پر انسداد پولیو کی آئندہ مہم کے سلسلے میں عوامی آگاہی کے لئے ضلعی محکمہ ٹرانسپورٹ کے زیر اہتمام جنرل بس سٹینڈ میں واک منعقد ہوئی جس کی قیادت سیکرٹری آر ٹی اے ضمیر حسین نے کی۔ اسسٹنٹ ایڈمنسٹریٹر جنرل بس سٹینڈ رانا حبیب اللہ‘ سٹم اینالسٹ عاصم الیاس کے علاوہ ٹرانسپورٹرز اور مسافر بھی شریک تھے۔سیکرٹری آر ٹی اے نے اس موقع پر مسافر بسوں سمیت ویٹنگ ایریاز میں موجود شہریوں میں 16۔دسمبر سے شروع ہونے والی انسداد پولیو مہم کے متعلق پمفلٹس بھی تقسیم کئے اور والدین سے اپیل کی کہ وہ مہم کے دوران اپنے پانچ سال تک کی عمر کے ہر بچے کوحفاظتی قطرے ضرور پلوائیں۔ انہوں نے بس سٹینڈ کی انتظامیہ سے کہا کہ پولیو ٹیموں سے مکمل تعاون کویقینی بنایا جائے اور ان کی کلیئرنس کے بغیر کوئی بس / ویگن روانہ نہیں ہونی چاہئے۔
انسداد پولیو کی مہم کے سلسلے میں عوامی آگاہی کے لئے ضلعی محکمہ ٹرانسپورٹ کے زیر اہتمام جنرل بس سٹینڈ میں واک
Shares:
