ایبٹ آباد، ٹریفک قوانین کی خلاف ورزی کرنے والے ڈرائیورز کے خلاف آپریشن کے احکامات

ایبٹ آباد۔ (اے پی پی) نو تعینات ایس ایس پی ٹریفک وارڈن طارق محمود خان کی سربراہی میں ٹریفک وارڈن آفس میں ٹریفک افسران و سٹاف کے ساتھ میٹنگ کا انعقاد ہوا۔ جس میں ڈی ایس پی ہیڈ کوارٹر، ٹریفک وارڈن ہمایوں خان، ڈی ایس پی ٹریفک اعظم علی شاہ، انسپکٹرز ٹریفک وسیم خان، تحفور خان، ذوالفقار علی، ٹریفک سب انسپکٹرز پرویز خان، جہانزیب خان، انور خان اور دیگر تمام شعبہ جات سے تعلق رکھنے والے انچارج صاحبان نے شرکت کی۔ میٹنگ کے دوران پریشر ہارن، ایکسٹرا ڈیکوریشن، و ایکسٹرا سپیکر سمیت بچوں کو خطرناک طریقہ سے سکول لے جانے اور لانے والی گاڑیوں کے خلاف سخت آپریشن شروع کرنے کے احکامات جاری کئے گئے۔