باغی ٹی وی کی کوششیں رنگ لےآئیں،سابق گورنرکےکتےکوزخمی کرنےوالےشہری کےخلاف مقدمہ خارج

مظفرگڑھ میں سابق گورنر پنجاب غلام مصطفیٰ کھر کے کتے کے زخمی ہونے کے معاملے میں اہم پیشرفت ہوئی ہے۔پولیس نے حقائق سامنے آنے پر سابق گورنر پنجاب کے ملازم کی جانب سے شہری پر درج کرایا گیا مقدمہ خارج کردیا.مظفرگڑھ کے علاقے سنانواں میں سابق گورنر پنجاب غلام مصطفیٰ کھر کے کتے کے زخمی ہونے پر شہری پر درج کرایا گیا مقدمہ پولیس نے خارج کردیا.پولیس ترجمان وسیم خان گوپانگ کیمطابق ڈی پی او کی ہدایات پر ڈی ایس پی کوٹ ادو اعجاز بخاری نے مقدمے میں نامزد شہری اسماعیل کا بیان ریکارڈ کیا اور حقائق کا جائزہ لیا.پولیس ترجمان کا کہنا تھا حقائق سامنے پر شہری اسماعیل پر کتے کے زخمی ہونے کا مقدمہ خارج کردیا گیا.پولیس ترجمان کیمطابق تفتیش میں یہ بات سامنے آئی کہ سابق گورنر پنجاب غلام مصطفیٰ کھر کا کتا کھلا ہونے کے باعث خود موٹر سائیکل سے جاٹکرایا،لیکن موٹر سائیکل سوار شہری نے پھر بھی کتے کو بچانے کی کوشش کی.پولیس ترجمان وسیم خان کا کہنا تھا کہ پبلک پلیس پر پالتو کتا کھلا چھوڑنا ازخود غیرقانونی ہے.مقدمے میں نامزد شہری اسماعیل نے مقدمے کے اخراج پر خوشی کا اظہار کیا ہے اور ڈی پی او کا شکریہ ادا کیا.