بلوچستان، مختلف حادثات اور واقعات میں 5 افراد جاں بحق۔

بلوچستان کے مختلف علاقوں میں ٹریفک حادثات و دیگر واقعات میں 5 افراد جاں بحق ہوگئے۔
ضلع زیارت کی تحصیل سنجاوی میں بجلی کا کرنٹ لگنے سے دو افراد جاں بحق ہو گئے۔ لاشوں کو ڈی ایچ کیو اسپتال منتقل کیا گیا جہاں ان کی شناخت، قدم جان اور نصیب خان کے نام سے کر لی گئی۔لاشوں کو ضروری کارروائی کے بعد ورثاء کے حوالے کر دیا گیا۔
ضلع خضدار میں ٹریفک حادثے کے دوران دو افراد جاں بحق ہو گئے۔ واقعہ ارہ لک کے مقام پر پیش آٰیا جہاں ایک ٹرالر اور گاڑی کے درمیان تصادم ہوا۔ لیویز کے مطابق گاڑی لسبیلہ جا رہی تھی۔
جب کے ضلع بارکھان کے علاقے بغاو میں پرانی دشمنی پر فائرنگ سے ایک شخص جاں بحق ہو گیا۔ لیویز نے حملہ آور کو دامان کے علاقے سے اسلحہ سمیت گرفتار کرکے مقدمہ درج کر لیا واقعے کے حوالے سے مزید تحقیقات جاری ہیں۔