بھارتی فوج نے ایک سال میں 31کشمیری بچے شہید کیے، اقوام متحدہ کی سالانہ رپورٹ

اقوام متحدہ کے سیکرٹری جنرل کی سالانہ رپورٹ میں انکشاف کیا گیا ہے کہ مقبوضہ کشمیر میں بھارتی افواج کی کارروائیوں کے دوران 7 سے 17 سال کی عمر کے 31 بچے شہید ہوگئے تھے۔
جولائی 2019، بھارتی ریاستی دہشت گردی سے 11کشمیری شہید
رپورٹ کے مطابق اس عرصہ میں کم سے کم 150زخمی کشمیری بچے بھی بھارتی فوج کی گولیوں کا نشانہ بنے زخمی ہوئے ۔ زخمی بچوں میں سے کچھ کی عمر ایک سال ہے۔

اقوام متحدہ کی رپورٹ میں مقبوضہ کشمیر میں بھارتی فورسز کی طرف سے کشمیریوں لڑکیوں کے خلاف جنسی جرائم کا بھی ذکر کیا گیا ہے۔اس سلسلہ میں جموں کے کٹھوعہ میں 8سالہ بچی آصفہ کے قتل کا حوالہ دیا گیا ہے جسے اغوا کر کے تین دن تک عصمت دری کی گئی اور بعد میں پولیس افسران نے شہید کر دیا۔