حکومت کا بڑا اعلان ،آٹا مفت ملے گا

خانیوال(نمائندہ باغی ٹی وی)ڈپٹی کمشنر آغا ظہیر عباس شیرازی نے کہا ہے کہ ضلعی انتظامیہ مخیر حضرات کے تعاون سے کورونا وائرس پھیلنے کے خدشہ کے پیش نظر،،حالیہ لاک ڈاؤن ،،پابندی کے دوران مستحق افراد میں گھی اور آٹا سمیت دیگر مختلف اشیاء ضروریہ پر مشتمل راشن کے 800 تھیلے تقسیم کرے گی – یہ بات انہوں نےڈسٹرکٹ جناح لائبریری میں تاجروں ،مخیرحضرات اور اہل ثروت حضرات کی طرف سے کورونا لاک ڈاؤن پابندی کے دوران اکٹھے کیے جانے والے راشن کے سامان سامان کے معائنہ کے دوران کہی- اس موقع پر ایڈیشنل ڈپٹی کمشنر ریونیو محمد اکرام ملک ،اسسٹنٹ کمشنرز شبیر احمد ڈوگر ،صدر ٹریڈرز چیمبر انعام اللہ قریشی ،محمد عارف قریشی اور دیگر افسران بھی موجود تھے ۔ڈپٹی کمشنر نے کہا کہ کورونا وائرس پھیلنے کے خدشہ کے پیش نظر شہریوں سمیت تمام طبقات سے تعلق رکھنے والے افراد اللہ پر بھروسہ کریں اور حکومتی ہدایات پر سختی سے عمل کریں تاکہ اس پر باآسانی قابو پانے کے ساتھ ساتھ اس کو ملک میں پھیلنے سے روکا جا سکے انہوں نے کہا کہ شہری اپنے آپ کو تنہا نہ سمجھیں حکومت اور ضلعی انتظامیہ ان کی ہر سطح پر بھرپور مدد کرے گی-