سکول و کالجز سربراہان کو تعلیمی اداروں کی سکیورٹی کو یقینی بنانے کی ہدایت
![](https://baaghitv.com/wp-content/uploads/2019/07/school-rain-1024.jpg)
سرگودھا۔ (اے پی پی) محکمہ تعلیم نے تمام سکولزو کالجز کے سربراہان کو ہدایت کی ہے کہ وہ اپنے اپنے اداروں میں سکیورٹی کے نظام کو فول پروف بنائیں اور بغیر شناختی کارڈ کسی بھی شخص کو سکول میں داخل نہ ہونے دیں۔محکمہ تعلیم کے ترجما ن کے مطابق تعلیمی اداروں کے سربراہان کو اس بات کو جاری کردہ ہدایت میں کہاگیا ہے کہ جو بھی شخص کسی تعلیمی ادارے میں کام کی غرض سے آئے اس کا نام پتہ اور شناختی کارڈ نمبر رجسٹر میں درج کیا جائے اس کے علاوہ گیٹ پر سکیورٹی کے خصوصی انتظامات کیے جائیں، چھٹی کے اوقات میں بچوں کو بیک وقت نکالنے کی بجائے کلاس وائز نکالیں اور بچوں کو سکول سے نکلتے وقت سکولوں کے گرد جمع ہونے سے بھی منع کریں اس کا مقصد بچوں کو محفوظ بنانا ہے۔