شیخوپورہ میں فلڈ موک ایکسرسائز کا اہتمام

شیخوپورہ( نمائندہ باغی ٹی وی )فلڈموک ایکسر سائز کا مقصد ممکنہ سیلاب کی صورت میں لوگوں کی بروقت مدد کے پیش نظر پہلے سے تیاری کرنا اور اداروں کی کارکردگی کو جانچنا ہے_ان خیالات کا اظہار ڈپٹی کمشنر شیخوپورہ سید طارق محمود بخاری نے ریسکیو 1122 کی جانب سے خانپور نہر پر موک ایکسرسائز کا معائنہ کرنے کے بعد میڈیا سے گفتگو کرتے ہوئے کہا. موک ایکسرسائز میں ریسکیو 1122کے علاوہ سول ڈیفنس,محکمہ ہیلتھ, محکمہ انہار سمیت دیگر اداروں نے حصہ لیا. ریسکیو 1122کی جانب سیلاب زدہ علاقوں میں پھنسے افراد کے ہنگامی انخلاء کا عملی مظاہرہ بھی کیا گیا. تمام محکموں کی طرف سے امدادی کیمپ اور ریسکیو 1122کی جانب سے ایمرجنسی کنٹرول روم قائم کیا گیا. آس موقع پر صوبائی وزیر برائے ڈیزاسٹرمنیجمنٹ نے میڈیا کے نمائندوں سے گفتگو کرتے ہوئے بتایا کہ ریسکیو 1122 تربیت یافتہ افرادی قوّت, جدید تکنیک,جدید آلات سے لیس ہے جولوگوں کے جان ومال کے تحفظ کی خاطر ہمہ وقت تیار ہے. اس موقع پر ایڈیشنل ڈپٹی کمشنر ریونیو رانا شکیل اسلم،ڈسٹرکٹ ایمرجنسی آفیسر رانا اعجاز بھی موجود تھے