فیصل آباد ،ماحولیاتی آلودگی کو کم کرنے کے لیے ایک لاکھ سے زائد درخت لگائے جائیں گے

فیصل آباد (نمائندہ باغی ٹی وی ) چئیرمین فیصل آباد انڈسٹریل اسٹیٹ ڈویلپمنٹ اینڈ مینجمنٹ کمپنی میاں کاشف اشفاق نے کہا کہ وزیراعظم پاکستان عمران خان کا مشن کلین اینڈ گرین پاکستان ایک قابل تعریف مشن ہے جسے پوری دنیا میں پسند کیا جارہا موجودہ صنعتی دور میں آلودگی میں دن بدن اضافہ ہورہا جوکہ نہ صرف پاکستانیوں کے لیے بلکہ پوری دنیا کے لیے تشویشناک صورتحال ہے اور فضائی آلودگی کنٹرول کرنا ایک چیلنج بن چکا ہے ۔ انکا مزید کہنا تھا کہ فیڈمک وزیراعظم کے مشن کلین اینڈ گرین پاکستان کا حصہ ہے علامہ اقبال انڈسٹریل سٹی اور M3 انڈسٹریل سٹی میں کا چالیس فیصد سے زائید حصہ ماحولیاتی پالیسی کے مطابق درخت لگانے کے لیے مختص کیا گیا ہے جہاں ایک لاکھ سے زائید درخت لگائے جائیں گے تاکہ انڈسٹریز سے پیدا ہونے والی ماحولیاتی آلودگی کو کم سے کم کیا جاسکے انکا مزید کہنا تھا کہ ماحول کو آلودگی سے پاک اور صاف ستھرا رکھا ہر شخص کا اخلاقی فرض ہے جسے ہرشخص کو خوش اسلوبی سے ادا کرنا چاہیے تاکہ ہماریآنے والی نسلوں کو آلودگی سے پاک آبوہوا مل سکے ۔