فیصل آباد میں دلخراش واقعہ، درندوں نے ننھنی کلی کو مسل دیا
فیصل آباد(نمائندہ باغی ٹی وی ) تھانہ ٹھیکری والا کے علاقہ اسلام پورہ میں غریب محنت کش کی تیرہ سالہ بیٹی اوباش درندوں کی ہوس کا شکار بن گئی پولیس نے ملزمان کے خلاف مقدمہ تو درج کر لیا لیکن ملزمان کے اثرورسوخ کی وجہ سے تفتیش کا عمل سست روی کا شکار ہوگیا۔ تفصیل کے مطابق چک نمبر 66 ج ب محلہ اسلام پورہ میں میں بد نام زمانہ منشیات فروش نجمہ نامی خاتون کے اوباش بیٹے محسن نے اپنے دوست نومی کے ساتھ مل کر کر غریب محنت کش یونس مسیح کی تیرہ سالہ بیٹی ماریہ کو گھر سے اغوا کرکے اپنے ڈیرے پر لے جاکر جنسی زیادتی کا نشانہ بنا ڈالا ۔ اہل خانہ کی جانب سے15 پر کال کرکے پولیس کو اطلاع کرنے پر متعلقہ تھانہ کے ایس ایچ او نے موقع پر پہنچ کر محسن نامی درندے کو گرفتار کرلیا جبکہ دوسرا ملزم نومی موقع سے فرار ہو نے میں کامیاب ہوگیا پولیس نے میڈیکل رپورٹ کروانے کے بعد ملزمان کے خلاف لڑکی سے اجتماعی زیادتی کا مقدمہ درج کر لیا ہے جبکہ جنسی زیادتی کا شکار ہونے والی ماریہ کے غریب والدین کا کہنا ہے کہ محسن کی والدہ نجمہ ان کے علاقہ میں عرصہ دراز سے ہیروین اور چرس وغیرہ کی فروخت کا دھندا کرتی ہے جس کے دیگر جرائم پیشہ عناصر اور پولیس کے چند اہلکاروں کے ساتھ گہرے تعلقات ہیں ہے جسکی بنا پر غنڈہ گرد عناصر کی طرف سے اہل خانہ کومقدمہ واپس لینے کے لئے جان سے مار دینے جیسی سنگین دھمکیاں دی جارہی ہیں اور پولیس بھی تفتیش کے دائرہ کار کو آگے بڑھانے میں سست روی کا مظاہرہ کر رہی ہے متاثرہ لڑکی کے کے والدین نے وزیراعظم عمران خان ،وزیراعلی پنجاب، آئی جی پنجاب اور دیگر اعلی حکام سے مطالبہ کیا ہے اہل خانہ کو تحفظ فراہم کیا جائے اور ملزمان کے خلاف تادیبی کاروائی عمل میں لاتے ہوے انہیں کیفر کردار تک پہنچاکر انہیں انصاف دیا جائے#
