لوئیر دیر میں سیلابی ریلہ‘ تین بچوں کو بہا لے گیا

پشاور۔(اے پی پی)ضلع لوئر دیر کی تحصیل میدان میں سیلابی ریلہ تین بچوں کو بہالے گیا‘ مقامی ایم پی اے ملک لیاقت کے مطابق گزشتہ روز کی بارشوں کے باعث گاؤں میرگام میں بارش کے پانی نے سیلابی ریلے کی شکل اختیار کی جس میں ایک مقامی شخص شیر رحمان کی دو نواسیاں اور ایک نواسہ بہہ گئے‘ بچوں کی عمریں 7 سے 10سال کے درمیان ہیں‘ حادثے کے فوراً بعد گاؤں کے لوگوں نے بچوں کی تلاش شروع کی اور دوکی نعشیں برآمد کرلی ہیں‘ جبکہ آخری اطلاعات تک تیسرے بچے کی تلاش جاری تھی‘ ایم پی اے ملک لیاقت نے متعلقہ حکام سے رابطہ کرکے امدادی کاروائیوں میں مدد کی اپیل کی۔