لیہ – بری کارکردگی اور شہرت کے حامل افسران کی ضلع میں کوئی گنجائش نہیں ۔ڈپٹی کمشنر

لیہ (نمائندہ باغی ٹی وی ) ڈپٹی کمشنر اظفرضیاءنے کہا ہے کہ افسران عوامی مسائل کے حل کے لیے دیانت داری سے فرائض انجام دیں ۔عوام کے اعتماد کو بحال کرنے کے لیے ہرممکن اقدامات اُٹھائے جائیں ۔عوامی فلاح و بہبود کی سکیموں کو اعلی معیار کے ساتھ بروقت مکمل کرنے کے لیے فیلڈ وزٹ کی رپورٹ روزانہ کی بنیاد پر بھیجی جائے ۔انہوں نے یہ بات ا فسران کے تعارفی اجلاس سے خطاب کرتے ہوئے کہی۔ڈپٹی کمشنر نے کہا کہ حکومت پنجاب کی کلین اینڈ گرین ،انسداد مہنگائی ،ڈینگی اور تجاوزات کے خلاف جاری مہم کی خود نگرانی کرو ںگا۔عوام کی شکایات مجھ تک پہنچنے سے پہلے حل ہوجانی چاہیے ۔رشوت ستانی اورتساہل پسندی کو ہرگز برداشت نہیں کیاجائے گا ۔بری کارکردگی اور شہرت کے حامل افسران کی ضلع میں کوئی گنجائش نہیں ۔ڈپٹی کمشنر نے انتظامی افسران کو ہدایت کی کہ وہ اپنے اختیارات کے جائز استعمال سے مقامی مسائل کو حل کرنے کی صلاحیت رکھتے ہیں لہذا مہنگائی ،سیوریج،ریونیومعاملات ایسے مسائل کو فوری ختم کرنے کے لیے قومی جذبہ سے خدمات انجام دیں ۔ڈپٹی کمشنر نے توقع ظاہر کی کہ ضلع لیہ کو عوام کے تعاون سے مثالی ضلع بنائیں گے