لیہ – کروناسے تاجر بھی متا ثر ، پہلا تاجر جاں بحق

لیہ (نمائندہ باغی ٹی وی )لیہ میں کرونا کی لہر میں بتدریج اضافہ ہونا شروع ہو گیا ہے ، لیہ کے تاجر کرونا سے متاثر ہو رہے ہیں، کروڑ لعل عیسن سے وارڈ نمبر 10 کروڑ لعل عیسن کے اظہار حسین کو کرونا پازٹیو آنے پر نشتر ہسپتال کے کرونا وارڈ میں منتقل کردیا گیا اظہار حسین کے گھر کو 14 روز کے لیے قرنطینہ قرار دے دیا گیا محکمہ صحت کی جانب سے گھر کے باہر نوٹس چسپاں تفصیل کے مطابق کروڑ لعل عیسن وارڈ نمبر10 کے اظہار حسین کو دل کی تکلیف ہونے پر ڈسڑکٹ ہسپتال لیہ لیجایا گیا جہاں پر انہیں سانس کی تکلیف میں اضافہ ہوا اور آرام نہ آیا جس پر اظہار حسین کا کرونا ٹیسٹ لیا گیا پازٹیو آنے پر نشتر ہسپتال کے کرونا وارڈ میں منتقل کردیا گیا اور ان کے گھر کو قرنطینہ قرار دے کر نوٹس چسپاں کردیا گیا ،فتح پور میں معروف کاروباری شخصیت محمد شعیب بھی کرونا کا شکار ہوئے ،چند روز طبیعت خراب رہنے کے بعد جاں بحق ہو گئے ، ان کے فیملی میں 3افراد کے رزلٹ پازیٹو آگئے ہیں،گھر کے باقی افراد کی ٹیسٹ رپورٹ آنا باقی ہے ، اسی محلہ کے تین تاجربھائی بھی کرونا سے متا ثر ہوئے ہیں، جن کے بھی ٹیسٹ سیمپل لے لئے گئے ہیں، محکمہ صحت لیہ کی ٹیم نے اسی محلہ کے تین گھروں کو سیل کر دیا ہے . چک نمبر 228ٹی ڈی اے میں بھی ایک فیملی میں کرونا مثبت آنے پر مریض کو ڈسٹرکٹ ہسپتال لیہ ریفر کر دیا گیا ہے ، جب کہ گھر کے دیگر افراد کے ٹیسٹ لئے جا رہے ہیں، لاک ڈاؤن میں نرمی کے بعد کرونا کے بڑھتے ہوئے مریضوں کی وجہ سے انتہائی تشویش پائی جا رہی ہے ، تاجروں کے کرونا سے متا ثر ہونے پرشہری خوف و ہراس میں مبتلا ہو رہے ہیں