مظفرگڑھ کی میونسپل کمیٹی خانگڑھ کاکنٹرول حکمران جماعت کےایم پی اےکےکوارڈینیٹرکےپاس!

مظفرگڑھ میں بلدیاتی اداروں کا چارج غیرقانونی طور پر غیرمنتخب افراد نے سنبھال لیا۔تحریک انصاف کے ممبر صوبائی اسمبلی نوابزادہ منصور احمد خان کے کوآرڈینیٹر کی ایڈمنسٹریٹر میونسپل کمیٹی خانگڑھ کی جگہ اجلاس کی صدارت کرنے اور عملے کو ہدایات دینے کی تصاویر سوشل میڈیا پر وائرل ہوگئیں.مظفرگڑھ کی میونسپل کمیٹی خانگڑھ کا چارج غیرقانونی طور پر غیرمنتخب افراد نے سنبھال لیا،تحریک انصاف کے ایم پی اے نوابزادہ منصور احمد خان کے کوآرڈینیٹر وقاص ہمایوں کی میونسپل کمیٹی خانگڑھ میں میٹنگ کی صدارت کرنے کی تصاویر سوشل میڈیا پر وائرل ہوگئیں.وقاص ہمایوں خان نے غیرقانونی طور پر ایڈمنسٹریٹر میونسپل کمیٹی خانگڑھ کے دفتر میں انہی کی نشست پر بیٹھ کر اجلاس کی صدارت کی اور عملے کو ہدایات بھی جاری کیں.ممبرصوبائی اسمبلی کے کوآرڈینیٹر صفائی کے لیے آنے والے رکشے بھی عملے میں تقسیم کرتے رہے.دوسری جانب معاملے پر موقف دیتے ہوئے وقاص ہمایوں خان کا کہنا تھا کہ انھیں ایم پی اے نوابزادہ منصور احمد نے میونسپل کمیٹی خانگڑھ میں کرپشن ختم کرنے کے لیے اختیارات دئیے ہیں.