وہاڑی : شہداء پنجاب پولیس کو خراج تحسین

وہاڑی (نمائندہ باغی ٹی وی) شہدائے پولیس کی قربانیوں کو خراج تحسین پیش کرنے کے لئے یادگار شہداء سمیت ضلع وہاڑی کے مختلف علاقوں میں چراغاں اور شمعیں روشن کرنے کی تقاریب منعقد کی گئیں.

ڈسٹرکٹ پولیس آفیسر وہاڑی ثاقب سلطان المحمود نے پولیس لائنز وہاڑی کا دورہ کیا اور یادگار شہداء پر حاضری دی, فاتحہ خوانی اور شہداء شمعیں روشن کیں اس موقع پر ان کے ہمراہ ڈی ایس پی ہیڈ کوارٹرز شہزاد منظور اور پولیس لائنز و دفتری سٹاف بھی موجود تھا. ایس ڈی پی اوز اور تھانہ جات کے ایس ایچ اوز نے بھی شہداء کو خراج تحسین پیش کرنے کے لئے اپنے اپنے علاقوں میں شمعیں روشن کیں.

اس موقع پر ڈی پی او وہاڑی ثاقب سلطان المحمود نے کہا کہ وہاڑی پولیس کے شہداء لازوال قربانیوں کی داستان ہیں ان کی قربانیوں نے پوری فورس کے حوصلوں کو بلند کیا ہے، ان کی قربانیوں کو ہمیشہ یاد رکھا جائے گا پنجاب پولیس عوام کے جان و مال کے تحفظ کے لیے قربانیوں سے دریغ نہیں کرے گی۔ ہمیں اپنے شہداء پولیس پر فخر ہے.