وہاڑی (نمائندہ باغی ٹی وی) ڈسٹرکٹ پولیس آفیسر وہاڑی ثاقب سلطان المحمود کی ہدایات پر امن و امان اور سکیورٹی کی صورتحال کو برقرار رکھنے کے حوالے سےضلع وہاڑی میں فلیگ مارچ کا انعقاد
تفصیلات کے مطابق ڈسٹرکٹ پولیس آفیسر وہاڑی ثاقب سلطان المحمود کی ہدایات پر امن و امان اور سکیورٹی کی صورتحال کو برقرار رکھنے کے حوالے سےضلع وہاڑی میں فلیگ مارچ کا انعقاد کیا گیا –
فلیگ مارچ میں سرکل وہاڑی کے تھانہ جات کے علاوہ ایلیٹ فورس, ٹریفک اور پولیس لائنز کی گاڑیوں شامل تھیں. اس موقع پر ایس پی انوسٹی میڈم کوثر پروین اور ڈی ایس پی ٹریفک شہزاد منظور بھی موجود تھے- فلیگ مارچ وی چوک, لاری اڈا, جناح روڈ, گول چوک, صرافہ بازار, امام بارگاہ چوک, پیپلز کالونی چوک, خانیوال چوک, کلب روڈ اور شہر کے مختلف حصوں سے گزرتا ہوا ڈی پی او آفس اختتام پذیر ہوا.
اس موقع پر ایس پی انوسٹی گیشن کوثر پروین نے کہا کہ فلیگ مارچ کا مقصد شہریوں کو باور کرانا ہے کہ پولیس امن وامان کی صورتحال کو برقرار رکھنے کے لئے پُر عزم ہے. فلیگ مارچ سے شہریوں کا جذبہ بلند رہتا ہے اور کریمنل اور شر پسند عناصر کی حوصلہ شکنی ہوتی اور عوام میں اس بات کا تاثرپیدا کرنا کہ پولیس اوردیگرسکیورٹی ادارے ان کے جان و مال کے تحفظ کے لئے ہمہ وقت کوشاں ہیں۔
