پانچ افراد غائب ،زمین نگل گئی یا آسمان کھاگیا

ٹھٹھہ صادق آباد (نمائندہ باغی ٹی وی)کا ایک اور نوجوان لاپتہ ہوگیا۔
تفصیلات کے مطابق ٹھٹھہ صادق آباد کے نواحی موضع علی شیر واہن کا رہائشی 20 سالہ حافظ محمد سلمان جوکہ علی شیر واہن میں ایک مدرسے میں قرآن پاک حفظ کررہا ہے 22 جون 2019 کو نماز فجر کے وقت گھر سے گیا مگر واپس نہ پلٹا، ورثاء کی طرف سے تلاش کے باوجود تاحال کچھ پتہ نہ چل سکا ہے جس کی وجہ سے لواحقین شدید پریشان ہیں۔یادرہے کہ عیدالفطر کے بعد ٹھٹھہ صادق آباد کے مختلف علاقوں سے پانچ افراد لاپتہ ہوئے جن میں سے دو افراد حساس اداروں کے ملازم تھے جن میں سے ایک نوجوان عادل خان کو پولیس اور حساس اداروں نے نوشہرہ سے برآمد کیا جبکہ دوسرا نوجوان تاحال لاپتہ ہے ۔دوسری جانب ایک اور شخص جو لاپتہ ہوا تھا وہ واپس اپنے گھر پہنچ گیا ۔نوجوان کا کہنا تھا کہ وہ اپنی مرضی سے گھر چھوڑ کر کام کی تلاش میں گیا تھا ۔ایک اور نوجوان جو ٹھٹھہ کے نواحی علاقے 138 دس آر قدیم کا رہائشی تھا وہ بھی تاحال لاپتہ ہے