پاک فوج کی چوکی پہ حملہ افسوس ناک،جواب کی صلاحیت رکھتے ہیں

ٹھٹھہصادق آباد (نمائندہ باغی ٹی وی)
مرکزی چیئرمین محبان وطن پاکستان پیر محمد حیات شاہ کھگہ نے کہاکہ شمالی وزیرستان میں آرمی چیک پوسٹ پر دہشت گردانہ حملہ افسوسناک ہے اس کی جتنی مذمت کی جائے کم ہے، ملک دشمن اندرونی اور بیرونی طاقتیں پاکستان کا امن و سکون تباہ کرنے کے در پے ہیں، مگر افواج پاکستان نے ہمیشہ ملک دشمنوں کو منہ توڑ اور موثر جواب دے کر وطن عزیز کا بھرپور دفاع کیا ہے، شمالی وزیرستان میں چوکی پر دہشت گرد حملہ میں شہید آرمی جوانوں کو سلام عقیدت پیش کرتے ہیں، ان کا خون رائیگاں نہیں جائے گا،پاکستان کی سالمیت، امن و سلامتی استحکام ناقابل تسخیر دفاع کے لئے ہر محب وطن پاکستانی افواج پاکستان کے ساتھ کھڑا ہے، ملک دشمنوں کے ناپاک عزائم کو خاک میں ملانے پر پاکستان آرمی سکیورٹی فورسز کو خراج تحسین پیش کرتے ہیں۔