پتنگ بازوں کی آئی شامت

شیخوپورہ (نمائندہ باغی ٹی وی ) ڈسٹرکٹ پولیس آفیسر شیخوپورہ غازی محمد صلاح الدین نے پتنگ بازوں کے خلاف چلائی جانے والی خصوصی کمپین کے سلسلہ میں ایس ایچ اوتھانہ شرقپورخرم ڈوگر کو ہدایت جاری کی کہ وہ علاقے میں پتنگ بازی کا کاروبار کرنے والے اور اس خونی کھیل میں ملوث ملزمان کی جلد از جلد گرفتاریوں کو ہر صورت میں ممکن بنائے۔ جس پرایس ایچ او تھانہ شرقپور نے پولیس ٹیم کے ہمراہ علاقے کی مختلف آبادیوں میں پتنگ بازی کرنے والے اوراس کی خریدوفروخت کرنے والوں کے خلاف کریک ڈاون کیا اور اپنے تمام تر وسائل کو بروئے کار لاتے ہوئے پتنگ باز ی کا کاروبار کرنے والے اسامہ کو گرفتار کرکے اس کے قبضہ سے ہزاروں کی تعداد میں پتنگیں اور دوڑ کی چرخیاں برآمدکرلی۔شرقپور پولیس نے ملزم کے خلاف مقدمہ درج کرلیا۔