کا ر اور ٹرالہ کے درمیان تصادم میں ایک شخص جاں بحق

سیالکوٹ(اے پی پی) سیالکوٹ کے نواح قصبہ میں تیز رفتار کا ر اور ٹرالہ کے درمیان تصادم میں ایک شخص جاں بحق اور دوسرا زخمی ہوگیا۔تفصیلات کے مطابق موضع ککوال کے رہائشی محمد سجاد اور اور محمد افضال سیالکوٹ سے گھر واپس آ رہے تھے کہ راستے میں موضع شادیوال کے قریب ان کی کار سریا سے لدے ہوئے ٹرالہ سے جا ٹکرائی جس کے نتیجہ میں محمد سجاد کے سر پر گہری چوٹیں آئیں اور وہ موقع پر ہی جاں بحق ہو گیا جبکہ محمد افضال کا بایاں بازو ٹوٹ گیا۔ریسکیو 1122نے جاں بحق ہونے والے محمد سجاد کی نعش اور زخمی محمدافضال طبی امداد کے لئے علامہ اقبال میموریل ہسپتال منتقل کر دیا ہے۔