ڈنگہ پولیس ان ایکشن منشیات فروش سے 1 کلو اور 50 گرام چرس برآمد

گجرات (طارق محمود سے) پولیس تھانہ ڈنگہ کی حدود میں بدنام زمانہ منشیات فروش رنگے ہاتھوں گرفتار کرلی 1 کلو 50گرام چرس برآمد،مقدمہ درج .تفصیلات کے مطابق ڈی پی او گجرات توصیف حیدر کی زیر قیادت پولیس کا ضلع بھرمیں منشیات فروشوں کے خلاف آپریشن جاری ہے۔ اس سلسلہ میں ایس ایچ او تھانہ ڈنگہ عامر سعید نے پولیس ٹیم کے ہمراہ منشیات فروشوں کے خلاف آپریشن کرکے موضع جانی چک سے منشیات فروش رنگے ہاتھوں گرفتار کرلیا۔بدنام زمانہ ملزم محمد اکمل ولد محمد اکرم ساکن جانی چک کے قبضہ سے 1050گرام چرس برآمد ہوئی۔جس کے خلاف تھانہ ڈنگہ میں مقدمہ درج کر کے تفتیش کا آغاز کر دیا گیاہے۔