لوئر دیر جلسہ: وزیر اعظم سمیت 10 افراد 14 مارچ کو الیکشن کمیشن طلب:پیغام پہنچ گیا

دیر:لوئر دیر جلسہ: وزیر اعظم سمیت 10 افراد 14 مارچ کو الیکشن کمیشن طلب:پیغام پہنچ گیا،اطلاعات کے مطابق الیکشن کمیشن نے لوئر دیر میں پاکستان تحریک انصاف (پی ٹی آئی) کا جلسہ کرنے پر وزیر اعظم عمران خان، وزیر اعلیٰ، گورنر اور وفاقی وزراء کو 14 مارچ کو طلب کرلیا ہے۔

تفصیلات کے مطابق الیکشن کمیشن آف پاکستان نے وزیر اعظم عمران خان، گورنر خیبر پختونخوا شاہ فرمان خان، وزیر اعلیٰ محمود خان، وزیر دفاع پرویز خٹک اور وزیر خارجہ شاہ محمود قریشی سمیت 10 افراد کو نوٹسز جاری کردئیے ہیں۔

[wp-embedder-pack width=”100%” height=”400px” download=”all” download-text=”” attachment_id=”472247″ /]

الیکشن کمیشن کی جانب سے جاری کیے گئے نوٹسز کے مطابق وزیر اعظم عمران خان کو 14 مارچ صبح ساڑھے 10بجے، وفاقی وزیر ترقی اسد عمر کو 11بجے، صوبائی وزیر زکوة و عشر انور زیب خان کو صبح ساڑھے 11بجے، رکن صوبائی اسمبلی لیاقت خان کو 12بجے، وزیر اعلیٰ کے معاون شفیع اللہ کو ساڑھے 12بجے، وزیر اعلیٰ محمود خان کو دوپہر ایک بجے، وفاقی وزیر مواصلات مراد سعید کو دو بجے، وزیر دفاع پرویز خٹک کو اڑھائی بجے، گورنر خیبر پختونخوا شاہ فرمان کو تین بجے اور وزیر خارجہ شاہ محمود قریشی کو سہہ پہر ساڑھے تین بجے طلب کیا گیا ہے۔

الیکشن کمیشن نے کہا کہ خیبر پختونخوا کے 18 اضلاع میں جاری بلدیاتی الیکشن کیلئے طے قوائد و ضوابط کی خلاف ورزی کی گئی ہے۔ انہوں نے کہا کہ مذکورہ عوامی نمائندے خود یا پھر اپنے نمائندہ کے ذریعے حاضری یقینی بنا کر اپنا تحریری جواب جمع کرائیں۔