ڈیرہ غازیخان: ڈپٹی کمشنر کے حکم پر یوسی لاڈن میں 100 تھیلے آٹا تقسیم

ڈیرہ غازیخان،باغی ٹی وی (نامہ نگار) ڈپٹی کمشنر کے حکم پر یوسی لاڈن میں 100 تھیلے آٹا تقسیم کیا گیا
تفصیل کے مطابق ڈپٹی کمشنر ڈیرہ غازی خان کے حکم پر ڈسٹرکٹ فوڈ کنٹرولر مہر اختر حسین نے فوڈ انسپکٹر نعیم الحسن اورموضع لاڈن کے پٹواری سراج خان چنگوانی کی سپر ویژن میں یوسی لاڈن میں عوام کو ریلیف دینے کے لیے سستا آٹا کے 100 تھیلے تقسیم کئے گئے،آٹا کم ہونے کی وجہ سے صرف ڈیڑھ گھنٹے میں آٹا ختم ہوگیا،آٹاجلد ختم ہوجانے پر کئی غریب آدمی حکومت کی طرف سے سستا آٹا خریدنے سے محروم رہ گئے اور انہیں مایوس اور خالی ہاتھ واپس گھرجانا پڑا،جس پر عوام نے ڈپٹی کمشنر ڈیرہ غازی خان اور ڈسٹرکٹ فوڈ کنٹرولر مہر اختر حسین سے ہرہفتے ایک ٹرالی آٹا فراہم کرنے کا مطالبہ کیا ہے۔ تاکہ حکومت کی طرف سے فراہم کردہ سستا آٹا سے تمام شہری فائدہ اٹھا سکیں۔

Leave a reply