Home›پاکستان›11 سالہ پاکستانی بچے نے اسکیچ بنا کر شنیرا اکرم کا دل جیت لیا

11 سالہ پاکستانی بچے نے اسکیچ بنا کر شنیرا اکرم کا دل جیت لیا

اکتوبر 3, 2020

قومی کرکٹ ٹیم کے سابق کپتان وسیم اکرم کی اہلیہ اور سماجی کارکن شنیرا اکرم نے سوشل میڈیا پر ایک ویڈیو شئیر کی جس میں انہوں نے پاکستانی نوجوانوں کی صلاحیتوں کی تعریف کی ہے-

باغی ٹی وی : اکثر و بیشتر معاشرتی مسائل پر اپنی آواز بُلند کرنے والی اور والدین کے لئے معنی خیز پیغامات شئیر کرنے والی اور نوجوانو کے لئے پیغامات شئیر کرن والی شنیرا اکرم نے حال ہی میں سماجی رابطے کی ویب سائٹ ٹوئٹر پر ایک ویڈیو شیئر کی ہے-

We have serious talent in Pakistan. The artist who drew this is only 11 years old and never even been to art school. Because of social media, overlooked talent can have a platform. It’s up to us where we go from here #SupportPakistan #SupportLocalTalent #HomeGrown pic.twitter.com/C5FUAbQSIZ

— Shaniera Akram (@iamShaniera) October 1, 2020

ویڈیو میں دیکھا جا سکتا ہے کہ ایک بچہ شنیرا اکرم اور وسیم اکرم کا اسکیچ بنا رہا ہے جو کہ نہایت خوبصورت اور پرفیکٹ نظر آ رہا ہے۔

شنیرا اکرم نے بچے کی ویڈیو اپنے اکاؤنٹ پر ٹوئٹ کرتے ہوئے پاکستان کے نوجوانوں کی صلاحیتوں کی تعریف کی ہے۔

شنیرا کرم نے ویڈیو شئیر کرتے ہوئے اپنے ٹوئٹ میں لکھا کہ ویڈیو میں نظر آنے والا اسکیچ ایک 11 سالہ بچے نے بنایا ہے –

انہوں نے لکھا کہ پا کستان میں بہت اعلیٰ صلاحیتوں کے حامل نوجوان موجود ہیں نظر آنے والا اسکیچ ایک 11 سالہ بچے نے بنایا ہےاور یہاں تک کہ کبھی آرٹ اسکول نہیں گیا تھا-

شنیرا نے مزید لکھا کہ سوشل میڈیا ایسے با صلاحیت نظر انداز کئے جانے والے افراد کے لیے ایک پلیٹ فارم ثابت ہو سکتا ہے یہ ہم پر منحصر ہے کہ ہم اسے کیسے استعمال کرتے ہیں۔

شنیرا اکرم نے اپنے ٹوئٹ میں مختلف #SupportPakistan #SupportLocalTalent #HomeGrown بھی استعمال کئے-

اس سے قبل شنیرا اکرم نے اپنے ایک ٹوئٹر پیغام میں لکھا تھا کہ ہمارے ملک کا 75 فیصد حصہ نوجوانوں پر انحصار کرتا ہے اور پاکستان میں تبدیلی بھی نوجوانوں سے ہی ہے آپ ہمارے ملک کا مستقبل ہیں۔