انگلینڈ کرکٹ ٹیم کا دورہ پاکستان: 1200 پولیس افسران و اہلکارڈیوٹی کے فرائض سرانجام دیں گے

اسلام آباد : انسپکٹر جنرل آف پولیس اسلام آباد ڈاکٹر اکبر ناصرخاں کی زیر صدارت انگلینڈ کرکٹ ٹیم کے دورہ اسلام آباد ، راولپنڈی کے دوران سکیورٹی کے متعلق اہم اجلاس ہوا-

باغی ٹی وی : اجلاس میں فیصلہ کیا گیا کہ کرکٹ ٹیموں کی آمدورفت کے دوران روٹ کی جدید ٹیکنالوجی اور ڈرون کیمروں کے ذریعے نگرانی کی جائے گی 1200پولیس افسران و جوان سکیورٹی ڈیوٹی کے فرائض سرانجام دیں گے ۔

جی 77:پاکستانی مذاکرات کاروں نے کوپ27 میں اہم معاہدہ کیا،ڈائریکٹر امریکی تھنک ٹینک ولسن سینٹر

اجلاس میں کہا گیا کہ قانون نافذ کرنے والے اداروں کے ساتھ مکمل ہم آہنگی کو یقینی بنایا جائے گا راولپنڈی پولیس کے ساتھ مکمل ہم آہنگی سے فول پروف سکیورٹی کو یقینی بنایا جائے گا سی پی او سکیورٹی ڈویژن تمام سکیورٹی انتظامات کی سربراہی کریں گے ۔

فیصلہ کیا گیا کہ کرکٹ ٹیم کے لئے ایک چیف سکیورٹی افسر کا تعین کیا جائے گا دیگر قانون نافذ کرنے والے اداروں کے ساتھ مکمل ہم آہنگی اور معلومات کے تبادلے کو بہتر بنایا جائے گا۔

عالمی بینک؛ کشن گنگا و ریٹلی ہائیڈرو منصوبوں پر پاکستانی اعتراض سماعت کیلیے منظور

اجلاس میں فیصلہ کیا گیا کہ اسلام آباد کیپیٹل پولیس ملکی وقار اورتشخص کوبرقرار رکھنےکےلئے ہر ممکن اقدامات اٹھائے گی دورہ کرکٹ ٹیم سے پہلے ضلع بھر میں سرچ آپریشنز کئے جائیں ، سپیشل برانچ معلومات اکٹھی کرکے متعلقہ حکام تک پہنچانے کو یقینی بنائے گی۔

کہا گیا کہ بہترین اور تربیت یافتہ عملے کو ڈیوٹی پر تعینات کیا جائے اسلام آباد کیپیٹل پولیس بھرپورسکیورٹی کو یقینی بنانے کے لئے کو ئی کسر نہیں چھوڑے گی ۔

استنبول کانفرنس میں سینیٹرمشاہد حسین سید آئی سی اے پی پی کا شریک چیئرمین منتخب