15 جولائی کو اپوزیشن جماعتوں کا اجلاس، پشاور، کراچی میں جلد ملین مارچ ہوں گے، مولانا عبدالغفور حیدری
جمعیت علماء اسلام ف کے جنرل سیکرٹری سینیٹرمولانا عبدالغفورحیدری نے کہا ہے کہ آل پارٹیزکانفرنس میں 25 جولائی کویوم سیاہ منانےکااعلان کیا گیا . 25 جولائی کوعام انتخابات ہوئے تھے جو دھاندلی زدہ تھے،
باغی ٹی وی کی رپورٹ کے مطابق پریس کانفرنس کرتے ہوئے انہوں نے کہاکہ جے یو آئی نے اپوزیشن کی دیگرجماعتوں کے اصرار پرحلف اٹھایا، اپوزیشن کی بڑی جماعتیں سمجھ رہی تھیں شایدتحریک چلانےسےکیس کھلیں گے، آج اپوزیشن کارکنان کی لسٹیں بن رہی ہیں، آج ہمارے عہدیداروں کو دھمکیاں مل رہی ہیں، 15 جولائی کو اسلام آباد میں اپوزیشن جماعتوں کا اجلاس بلائیں گے، پشاور میں 25 جولائی اور 28 جولائی کو کوئٹہ میں ملین مارچ ہوں گے،
مولانا عبدالغفور حیدری نے کہاکہ کراچی لاہور میں بھی بڑے جلسے ہوں گے، 13 جولائی کو تاجروں کی ہڑتال کی کال کی حمایت کرتے ہیں ، اسلام آباد مارچ کی تیاریاں کررہے ہیں، حکومت ٹھہر نہیں سکے گی،
