پنجاب حکومت کا پبلک ٹرانسپورٹ کھولنے کا فیصلہ، راجہ بشارت کا اعلان

پنجاب حکومت نے پبلک ٹرانسپورٹ کھولنے کا فیصلہ کر لیا ہے

اس حوالہ سے صوبائی وزراکی جانب سے سفارشات وزیراعلیٰ پنجاب کو ارسال کر دی گئی ہے،سفارشات میاں اسلم اقبال اور راجہ بشارت کی ٹرانسپورٹرز سے ملاقات کے بعد تیار کی گئیں

صوبائی وزیر قانون راجہ بشارت کا کہنا تھا کہ مذاکرات میں پٹرول کی قیمت میں کمی کا فائدہ عوام تک پہنچانے کی بات بھی ہوئی، ٹرانسپورٹرز نے کرایوں میں کمی کا عندیہ دے دیا ہے،ایس او پیز پر عملدرآمد کی بھی ٹرانسپورٹرز نے یقین دہانی کرائی ہے، پنجاب میں ٹرانسپورٹ کی بحالی کی حتمی تاریخ کا اعلان وزیراعلیٰ پنجاب کریں گے،

واضح رہے کہ کرونا لاک ڈاؤن کی وجہ سے پنجاب سمیت ملک بھر میں ٹرانسپورٹ سروس بند کر دی گئی تھی، ٹرانسپورٹر کی جانب سے ایس او پیز پر عملدرآمد کی یقین دہانی پر ٹرانسپورٹ سروس وزیراعلیٰ پنجاب عثمان بزدار بحال کریں گے، اس ضمن میں ایک دو روز میں اہم اعلان متوقع ہے

لاک ڈاؤن ایس او پیز کی خلاف ورزی، انتظامیہ متحرک،50 سے زائد دکانیں سیل

قبل ازیں وزیراعلی پنجاب عثمان بزدار نے پیر سے شاپنگ مالز کھولنے کی اجازت دینے کا فیصلہ کر لیا، ایس او پیز کو حتمی شکل دینے کے بعد مالز کھولنے کی منظوری دی گئی ہے۔

پنجاب میں مکمل لاک ڈاؤن کا نوٹفکیشن جاری، کب تک ہو گا مکمل لاک ڈاؤن؟