لاہور پریس کلب کے صدر ارشد انصاری نے مقصود خالد کے ساتھ غیر مناسب رویہ اختیار کرنے کی شدید مذمت کی

لاہور پریس کلب کے صدر ارشد انصاری، سینئر نائب صدررائے حسنین طاہر، نائب صدر قذافی بٹ، سیکرٹری بابر ڈوگر، جوائنٹ سیکرٹری حافظ فیض احمد، خزانچی زاہد شیروانی اور اراکین گورننگ باڈی نے صوبائی وزیرصحت ڈاکٹر یاسمین راشد کی پریس کانفرنس کے دوران میو ہسپتال کے ایم ایس ڈاکٹر طاہر خلیل کی جانب سے کونسل ممبر مقصود خالد کے ساتھ غیر مناسب رویہ اختیار کرنے کی شدید مذمت کی ہے۔
انہوں نے کہا کہ صحافی معاشرے کا آئنہ ہوتے ہیں، صحافیوں کے ساتھ ایسا نامناسب رویہ کسی صورت قبول نہیں ہے۔ انہوں نے وزیر اعلیٰ پنجاب اور وزیر صحت ڈاکٹر یاسمین راشد سے مطالبہ کیا ہے کہ اس واقعہ کا نوٹس لیا جائے اور ایم ایس میو ہسپتال ڈاکٹر طاہر خلیل کے خلاف کارروائی کی جائے۔