معروف یوٹیوب چینل کیم اینڈ فیم کے بانی 19سالہ لینڈن کلیفور انتقال کر گئے

19سالہ امریکی یوٹیوب اسٹار لینڈن کلیفورڈ دماغ میں چوٹ لگنے کے باعث گزشتہ روز ہسپتال میں علاج کے دوران انتقال کرگئے۔

باغی ٹی وی : یوٹیوب چینل کیم اینڈ فیم کے بانی لینڈن کلیفورڈ کی اہلیہ کیمرئن کلیفورڈ نے سوشل میڈیا ویب ساٹ انسٹاگرام پر یو ٹیوب اسٹار کی ہسپتال میں لی گئی آخری تصویر شیئر کرتے ہوئے لینڈن کی موت سے مداحوں کو آگاہ کیا۔
https://www.instagram.com/p/CELNVHYpXYi/?utm_source=ig_embed
انہوں نے بتایا کہ لینڈن چھ دن کومہ میں رہنے کے بعد دنیا چھوڑ کر چلا گیا، اہلیہ نے بتایا کہ کومہ میں جانے سے قبل 13 اگست 2020 آخری دن لینڈن نے ایک بہترین والد اور ایک خیال رکھنے والے شوہر کی حیثیت سے بہترین گزارا۔

کیمرئن کلیفورڈ نے بتایا کہ کلیفورڈ نے اپنے جسم کے مختلف اعضاء ضرورتمند لوگوں کو عطیہ کرنے کی وصیت کی ہے کیمرئن نے کہا کہ وہ ابھی نوجوان اور کم عمر تھا اس نے زندگی میں ابھی اور بہت کچھ حاصل کرنا تھا لیکن جلدی مات نے اسے مہلت نہیں دی-

انہوں نے بتایا کہ لینڈن ایک اچھا خیال رکھنے والا شوہر ساتھی اور نرم طبیعت رکھنے والا انسان تھا اس نے کہا کہ ہماری لڑکیاں جانتی ہیں لینڈن نے ہم سے کتنا پیار کیا ہے اس کی واحد خواہش یہ تھی کہ وہ اپنی بیٹیوں کو پہلی بار چلتا ہوا دیکھیں۔

یاد رہے کہ اس کم عمر جوڑے کی مئی میں جڑواں بیٹیاں ہوئی تھیں لینڈن اپنے یوٹیوب چینل پر نوجوانی میں باپ بننے کے تجربات اور احساسات پر مبنی ویڈیوز شیئر کرتے تھے جسے صارفین بڑی تعداد میں ناصرف دیکھتے تھے بلکہ پسند بھی کرتے تھے۔

راحت فتح علی خان کے گانے ’ضروری تھا‘ نے یوٹیوب پر نیا اعزاز اپنے نام کرلیا

نیٹ فلکس کے کامیڈی ٹاک شو پیٹرائٹ ایکٹ پر خواتین کو تحفظ فراہم نہ کرنے کا الزام