دوبھارتی فوجی کشمیر میں آپریشن کے دوران ماردیئے گئے

سری نگر:دوبھارتی فوجی مقبوضہ کشمیر میں کیرڈان آپریشن کے دوران ماردئیے گئے ، اطلاعات کےمطابق یہ بھارتی فوجی نوشہرہ سیکٹرکے علاقے میں کشمیری حریت پسندوں کی طرف سے جوابی کارروائی میں مارے گئے

باغی ٹی وی کے مطابق بھارتی فوج نے کشمیریوں کے خلاف کئی خفیہ آپریشن شروع کررکھے تھے ،جن میں سے ایک کیرڈان آپریشن بھی ہے ، اطلاعات کے مطابق جب بھارتی فوج نوشہرہ سیکٹرمیں‌ کشمیری حریت پسندوں کی تلاش میں ان کا پیچھا کررہی تھی تو اس دوران کشمیری حریت پسندوں نے نشانہ لیتے ہوئے دوبھارتی فوجیوں کوموت کے گھاٹ اتاردیا

سری نگر سے ذرائع کے مطابق کشمیری حریت پسند بھارتی فوج پرحملے کے بعد اپنے محفوظ مقامات کی طرف چلے گئے ، بھارتی فوج نے اس علاقے کوگھیرے میں لے رکھا ہے اورپورے علاقے کی تلاشی شروع کردی ہے