تنگوانی،باغی ٹی وی (نامہ نگارمنصوربلوچ کی رپورٹ)کچے کے ڈاکوؤں کا راج، کچے کے ڈاکوؤں نے مزید دو افراد کو اغوا کرلیا
تفصیل کے مطابق کشمور کی تحصیل تنگوانی میں کچے کے ڈاکووں کا راج ہے،کچے کے ڈاکوئوں نے مزید دو افراد کو اغوا کرلیا،اغواء کایہ واقعہ تنگوانی کے قریب سوکڑ اسٹاپ پرکرمپور سے ٹھل جانے والی بس پر ڈاکوؤں نے دھاوا بولا ،لوٹ مار کے بعد ڈرائیور اور کلینر کو اغوا کرکے لے گئے
اب تک ضلع کشموسے اغوا ہونے والے اورشہریوں مسافروں کی تعداد 19 ہو گئی ہے،جنہیں پولیس بازیاب کرانے میں ناکام ہوچکی ہے ذرائع کے مطابق ضلع بھر میں اغوا ء کی بڑھتی وارداتوں کے باعث شہری نقل مکانی کرنے پر مجبور ہو گئے۔
