اجلاس میں وفاقی وپنجاب حکومت کی جانب سے رمضان ریلیف پیکیج کے تحت مفت آٹے کی فراہمی کیلئے ایک اور بڑا فیصلہ کیا گیا۔ پنجاب کابینہ نے ایک آٹا تھیلا لینے والے تمام خاندانوں کیلئے بیک وقت 20کلو آٹا دینے کی منظوری دی۔ اس فیصلے کااطلاق 29مارچ سے ہو گااور شہریوں کو با ربارسنٹرزکے چکر لگانے کی زحمت نہیں ہوگی۔ وزیراعلیٰ محسن نقوی نے اجلاس سے خطاب کرتے ہوئے کہا کہ صوبائی وزراء او رسیکرٹریز تسلسل کے ساتھ سنٹرز کے دورے جاری رکھیں اور اپنی رپورٹ وزیراعلیٰ آفس بھجوائیں۔اجلاس میں رجسٹریشن کے عمل کو آسان بنانے کے حوالے سے مختلف تجاویز کاجائزہ لیا گیا۔ صوبائی وزراء اور اعلیٰ حکام پرمشتمل کمیٹی تشکیل دی گئی جو رجسٹریشن کے حوالے سے اپنی حتمی سفارشات پیش کرے گی۔ اجلاس میں پنجاب بھر میں مفت آٹے کی فراہمی کا تفصیلی جائزہ لیا گیا اور پنجاب کابینہ نے آٹے کی فراہمی کے عمل پر اطمینان کا اظہار کیا۔
کابینہ کو بریفنگ کے دوران بتایا گیا کہ اب تک تقریباً 70لاکھ سے زائد آٹا تھیلے مستحق افراد میں تقسیم کئے جا چکے ہیں۔ وزیراعلیٰ محسن نقوی نے کہا کہ اشیائے ضروریہ کی مقررہ نرخوں پر دستیابی یقینی بنانے کے لئے بازاروں او رمارکیٹوں کو بھی چیک کیاجائے اور پوری انتظامیہ اس ضمن میں متحرک رہے۔ اجلاس میں محکمہ سپیشلائزڈ ہیلتھ کیئر اینڈ میڈیکل ایجوکیشن او رمحکمہ پرائمری و سیکنڈری ہیلتھ کیئر میں ڈاکٹرز اور دیگر عملے کی ایڈہاک پر بھرتی کی منظوری دی گئی۔ پبلک ہیلتھ انجینئرنگ ڈیپارٹمنٹ اور سوشل ویلفیئر اور بیت المال کے کنٹریکٹ ملازمین کی مدت ملازمت میں توسیع کی منظوری دی گئی۔ سپیشل بچوں کیلئے سٹیٹ آف دی آرٹ آ ٹزم سینٹر کے قیام کیلئے سپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ کی جوہر ٹاؤن میں اراضی محکمہ سپیشل ایجوکیشن کو منتقل کرنے کی منظوری دی گئی۔پنجا ب کابینہ کے اجلاس میں چائلڈ پروٹیکشن بیوروکی کارکردگی پر عدم اطمینان کا اظہار کیا گیا اور فیصلہ کیا گیا کہ ادارے کی تنظیم نو کی جائے گی۔
عامرمیر نے مری میں قائم مفت آٹا پوائنٹ کا دورہ کیا
مفت آٹے کی ذلت آمیز دستیابی نے نااہلی کے پول کھول دیے، خالد مسعود
مفت آٹے کی تقسیم کے دوران پنجاب میں مزید دو افراد جان کی بازی ہار گئے
کابینہ کو بریفنگ کے دوران بتایا گیا کہ چائلڈ پروٹیکشن بیورو کے سنٹرز میں 1050بچے موجود ہیں جبکہ ادارے کے عملے کی تعداد 750ہے۔اجلاس میں چائلڈ پروٹیکشن بیورو کے سنٹرز میں موجود بچو ں کی بہترین انداز میں دیکھ بھال کرنے کی ہدایت کی گئی۔ پنجاب کابینہ نے سوشل ویلفیئر اور بیت المال ڈیپارٹمنٹ او رلاہو رانسٹی ٹیوٹ آف ہیلتھ سائنسز کے درمیان ایم او یو کی منظوری دی۔اجلاس میں کابینہ سٹینڈنگ کمیٹی برائے یونیورسل ہیلتھ انشورنس کے قیام کی منظوری دی گئی۔ صوبائی وزیر سپیشلائزڈ ہیلتھ کیئر اینڈ میڈیکل ایجوکیشن ڈاکٹر جاوید اکرم کمیٹی کے سربراہ ہوں گے جبکہ صوبائی وزیر صنعت ایس ایم تنویر کمیٹی کے کو چیئرمین ہوں گے۔ اجلاس میں لاہور، فیصل آباد،راولپنڈی او رگوجرانوالہ کی ڈرگ کورٹ میں چیئرپرسن کی آسامیو ں پر تعیناتی کی منظوری دی گئی۔اجلاس میں گورنمنٹ آف پنجاب کے اکاؤنٹس کی آڈٹ رپورٹس برائے سال 2020-21 اور 2021-22 کی منظوری دی گئی۔ اجلاس میں پنجاب کابینہ کے پہلے 10 اجلاسوں کے فیصلوں کی توثیق کی گئی۔ صوبائی وزراء، چیف سیکرٹری، انسپکٹر جنرل پولیس، متعلقہ محکموں کے سیکرٹریز نے اجلاس میں شرکت کی
Leave a reply
