پاکستان شوبز انڈسٹری کے ورسٹائل اور باصلاحیت اداکار عدنان صدیقی کا گزشتہ روز زہنی صحت کے عالمی دن کے حوالےسے سوشل میڈیا پر جاری اپنے پیغام میں کہنا ہے کہ سال 2020 ہم میں سے ہر ایک کے لیے انتہائی مشکل رہا ہے اس لئے ایک دوسرے کو ہمت دیں اور حوصلہ افزائی کریں۔
باغی ٹی وی :گزشتہ روز پاکستان سمیت دُنیا بھر میں ذہنی صحت کا عالمی دن منایا گیا تھا اس موقع پر جہاں ماہر نفسیات اور سوشل میڈیا صارفین نے سوشل میڈیا پر ذہنی صحت کے حوالے سے آگاہی پیغامات جاری کئے تو وہیں شوبز فنکاروں نے بھی اس سے متعلق کچھ پوسٹس شیئر کی ہیں۔
ںنامور اداکار عدنان صدیقی نے سوشل میڈیا ویب سائٹ ٹوئٹر پر اپنے ٹوئٹ میں لکھا کہ اس میں کوئی بُرائی یا پریشانی کی بات نہیں کہ کبھی ہم کسی وجہ سے مایوس ہوجاتے ہیں اور پھر خود کو سُست محسوس کرتے ہیں۔
#WorldMentalHealthDay2020 It’s okay to feel low, it’s okay to breakdown sometimes. This year’s been tough for all of us. Let’s be gentle to everyone. Let’s lift each other up!
— Adnan Siddiqui (@adnanactor) October 10, 2020
عدنان صدیقی نے رواں سال دُنیا بھر میں کورونا وبا کی وجہ سے آنے والی مشکلات کو یاد کرتے ہوئے لکھا کہ یہ سال ہم سب کے لیے کافی مشکل رہا ہے اس لیے سب کے ساتھ نرمی کا رویہ اختیار کریں، ایک دوسرے کو ہمت دیں اور حوصلہ افزائی کریں۔
اداکار نے اپنی پوسٹ میں ہیش ٹیگ WorldMentalHealthDay2020 کا بھی استعمال کیا-
اس سے قبل ماہرہ خان نے انسٹا گرام پر اپنے پیغام میں ماہرہ خان نے ذہنی مرض میں مبتلا افراد کو مخاطب کرتے ہوئے کہا کہ یہ بہت حوصلہ مند ہوگا اگر آپ اس معاملے پر بات کرنا شروع کریں اور اس سے بھی زیادہ بہادری کا کام یہ ہوگا اگر آپ اس معاملے میں لوگوں سے مدد لیں۔
ماہرہ خان کے مطابق کم از کم ہر 4 میں سے ایک شخص کو کبھی نہ کبھی ذہنی صحت سے متعلق مسائل کا سامنا ہوگا۔
اپنے اس پیغام میں ماہرہ خان نے کیپشن کو آپ اکیلے نہیں ہیں کا عنوان دیتے ہوئے لکھا کہ ہمیں ذہنی صحت سے متعلق کھل کر بات کرنے کی ضرورت ہے ایسے افراد جنھیں کبھی اس کا تجربہ نہیں رہا وہ بھی اس معاملے کو سنجیدگی سے لیں۔
اداکارہ نے کہا کہ ہمیں ذہنی صحت سے متعلق بات چیت اور لوگوں کو سن کر آگاہی پیدا کرنے کی ضرورت ہے۔
علاوہ ازیں گلوکار راحت فتح علی خان، صنم سعید، عینی جعفری، عائشہ عمر اور کرکٹر جویریہ خان، اظہر محمود، بسمہ معروف جبکہ فٹبالر ہاجرہ خان اور سونگ رائٹر نے بھی ذہنی صحت کے حوالے سے تشویش کا اظہار کیا ہے۔
ان ستاروں نے لوگوں کو حوصلہ دیا کہ وہ اپنی ذہنی صحت سے متعلق بات کریں، اور ذہنی صحت سے متعلق قدم بڑھائیں آپ خود کو تنہا نہ سمجھیں کیونکہ آپ اکیلے نہیں ہیں آپ کی مدد کے لئے ہم سب موجود ہیں اپنی ذہنی صحت سے متعلق بتاتے ہوئے خوفزدہ نہ ہوں کہ لوگ کیا کہیں گے یہ مسائل عام ہیں اور یہ کسی کو بھی ہو سکتے ہیں آگے بڑھ کر ان کی مدد کریں اور ان مسائل پر قابو پائیں سب ستاروب نے کہا کہ یہ وقت عمل کا ہے ذہنی صحت کے لئے قدم بڑھائیں-
