21 اکتوبر کو مینار پاکستان سمیت دیگرمقامات پر جلسے کی تجویز،رانا ثناء اللہ

رہنما مسلم لیگ ن رانا ثنااللہ نے پریس کانفرنس کرتے ہوئے کہا ہے کہ مسلم لیگ ن نے اپنے قائد کی 21 اکتوبر کو آمد کے حوالے سے تیاریوں کا آغاز کر دیا ہے، کل لاہور ڈویژن کی میٹنگ جبکہ پیر سے پنجاب کی دیگر ڈویژنل میٹنگ بلوائی جا رہی ہیں،تمام مسلم لیگ ن کے ورکرز ووٹرز سپوٹرز لاہور پہنچیں گے،

رانا ثناء اللہ کا کہنا تھا کہ ایک بلین سے زیادہ لوگ لاہور میں اپنے لیڈر کو خوش آمدید کہیں گے، ان حالات میں جب عام پاکستان مہنگائی کے ہاتھوں, بے روزگاری کے ہاتھوں مشکلات کا شکار ہے،پاکستان ڈیفالٹ سے تو بچ نکلا ہے لیکن معاشی بحران سے محفوظ نہیں ہو سکا، عام آدمی انہیں نجات دہندہ کے طور پر دیکھ رہا ہے، مستحکم منتخب نمائندہ حکومت کو منظم سازش سے نکالا گیا جوڈیشل اسٹبشلمنٹ نے، اور یہ سازش کا عمل آج تک جاری ہے،اس وقت بابا رحمت اور بابا لعنتے کے ذریعے نکالا گیا، بیٹے سے تنخواہ لی تو نہیں لے سکتے تھے اور ریٹرن میں شو کرتے،پاکستان اس وقت لوڈ شیڈنگ اور دہشتگردی کے مسائل میں پھنسا ہوا تھا ,ان حالات سے اسے نکالا گیا، ان حالات میں عوام نے مسلم لیگ ن کی قیادت پر اعتماد کا اظہار کیا تھا،اس وقت پاکستان جی 20 کلب میں شامل ہونے والا تھا ایک دو مالی سال میں، اس وقت پیٹرول 65 ,ڈالر 100 کے قریب تھا،3، 4 سالوں میں صرف انتقام کے تحریک انصاف کے سربراہ نے کچھ نہیں کیا، ملک کی سیاست میں نفرت لے کر آیا, نوجوانوں کے ذہنوں میں بارود بھرا،ہم ایک ہی خاندان کے لوگ آپس میں دست و گریباں ہو گئے، پہلے اختلافات ہوتے تھے لیکن احترام بھی تھا،

رانا ثناء اللہ کا کہنا تھا کہ اپریل 2022 میں اگر آئینی طریقہ سے نااہل حکومت کو نا نکالا جاتا تو شاہد آج زیادہ مشکل حالات ہوتے اور ملک ڈیفالٹ کر جاتا،گزشتہ ادوار میں بھارت نے ایٹمی دھماکے کیے اس کے جواب میں نواز شریف کی قیادت میں دنیا کے دباؤ کے باوجود 5 کے مقابلے میں 6 ایٹمی دھماکے کیے، پوری قوم سے کو بتانا چاہتے ہیں پاکستان جب جب مشکل کا شکار ہوا ہے تو مسلم لیگ ن ایک آزمودہ نسخہ ہے جس نے ہمیشہ مشکل سے نکالا ہے، 9 مئی کے بعد بھی جو کچھ ہوا ہے سب کے سامنے ہے، 2014 سے سازش شروع ہوئی اور 2017 تک نشانہ بنایا جاتا رہا،میاں نواز شریف اس وقت کی حکومت کی اجازت کے ساتھ باہر گئے، 21 اکتوبر کو ایئر پورٹ , مینار پاکستان سمیت دیگر مقامات کی تجویز زیر غور ہے، 13 کے قریب کیسز تو عمران خان پر ہی بنتے ہیں، میاں نواز شریف کی لیگل ٹیم نے ساری تیاری کر لی ہے، اس کو آن ایئر ابھی نہیں کر سکتے، وہ آزاد شہری کے طور پر عدالت میں پیش ہوتے رہیں گے، نواز شریف دل کے عارضے میں مبتلا ہیں باقاعدہ ڈاکٹرز کے مشورہ سے سفر کی اجازت ہے، ہم نے کبھی بھی ایک پیج کی بات نہیں کی،

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

بشریٰ بی بی کی قریبی دوست فرح نے خاموشی توڑ دی

فرح خان کیسے کرپشن کر سکتی ؟ عمران خان بھی بول پڑے

سینیٹ اجلاس میں "فرح گوگی” کے تذکرے،ہائے میری انگوٹھی کے نعرے