راولپنڈی میں ہوٹلوں اور ریسٹورنٹس پر سپلائی کے لیے ہزاروں مردہ مرغیوں کی کھیپ پکڑی گئی۔
باغی ٹی وی : پنجاب فوڈ اتھارٹی نے ایک کارروائی کے دوران راولپنڈی سے مردہ مرغیوں کی بڑی کھیپ برآمد کرتے ہوئے سپلائر کو رنگے ہاتھوں پکڑ لیا خفیہ اطلاع پر مرغی منڈی باغ سرداراں سے 2100 کلو مردہ مرغیاں برآمد کی گئیں گاڑی سے برآمد کی گئی مرغیوں کو قریبی گودام میں پہنچایا جا رہا تھا۔
مردہ مرغیاں مختلف موذی امراض کا شکار پائی گئیں جب کہ تلف کی جانے والی مرغیوں کا موقع پر کوئی ریکارڈ فراہم نہیں کیا گیا قواعد و ضوابط کی خلاف ورزیوں پر سپلائر کو 40 ہزار روپے جرمانہ کیا گیا۔ ملزم نے مردہ مرغیاں مختلف ہوٹلوں اور ریسٹورنٹس کو فروخت کرنا تھی حکام نے ہدایت جاری کی ہے کہ شہری پہلے سے ذبح شدہ مرغی کا گوشت خریدنے کے بجائے تازہ گوشت کو ترجیح دیں۔
طالبان نے یونیورسٹی اسکالر شپ کیلئے یو اے ای جانیوالی 100 طالبات کو روک دیا
قبل ازیں پنجاب کے شہر شیخوپورہ روڈ پر فوڈ اتھارٹی نے چیکنگ کے دوران بڑی تعداد میں مردہ مرغی برآمد کی تھی، شیخوپورہ میں ٹرک سے 8 ہزار 615 کلو مردہ مرغیاں پکڑی گئیں تھیں،کچھ ماہ قبل پشاور میں شہریوں کو مردہ مرغیوں کا گوشت کھلانے کا انکشاف ہوا تھا، اسسٹنٹ فوڈ کنٹرولر تسبیح اللہ نے چرگانو چوک میں عوامی شکایت پر مختلف گوداموں اور دکانوں پر چھاپے مارے جہاں سے بڑی تعداد میں مردہ مرغیاں برآمد ہوئیں تھی-
