وہاج علی اور حریم فاروق کے 22 قدم کا ٹریلرجاری

ڈرامہ سیریل 22 قدم کا ٹریلر جاری کردیا گیا ہے ڈرامے میں وہاج علی اور حریم فاروق مرکزی کردار ادا کررہے ہیں یہ دونوں پہلی بار ایک ساتھ نظر آئیں گے۔ہدایتکار انجم شہزاد جبکہ کہانی ذیشان الیاس نے لکھی ہے، ڈرامہ کی دیگر کاسٹ میں ندا ممتاز، شاہ نواز زیدی نمایاں کرداروں میں شامل ہیں۔ 22 قدم ایک ڈرامہ سے کہیں بڑھ کر ایسا شو ہے جو خواتین کو بااختیار ہونے کا بھرپور پیغام دیتا ہے کہ وہ زندگی کے ہر میدان میں آگے بڑھنے کے خواب دیکھیں چاہے وہ کھیل کی دنیا ہو یا سائنس کے افق۔ یہ ایک ایسی لڑکی کی پراثر کہانی ہے جو سماجی پابندیوں سے آزاد ہوکر اعتماد اور عزم کے ساتھ اپنے ہدف کوپانے کیلئے کوشش کرتی ہے۔IRK فلمز کے پروڈیوسر عمران رضا کاظمی اس ھوالے سے کہتے ہیں کہ

22قدم محض ایک ڈرامہ نہیں، یہ ایک تحریک ہے۔ ہم چاہتے ہیں کچھ ایسا تخلیق کریں جو خواتین کو بڑے خواب دیکھنے کی ترغیب دے اور ان کو دکھائے کہ وہ سب حاصل کرنے کی قوت رکھتی ہیں جس کیلئے ان کا ذہن آمادہ ہو. ان کا کہنا ہے کہ ہمیں بہت امید ہے کہ ہماری اس کوشش کو بےحد سراہا جائیگا. جبکہ شائقین حریم فاروق اور وہاج علی کو ایک ساتھ دیکھنے کے لئے بےتاب ہیں.