فیس بک کا نیا فیچر متعارف

معروف سوشل میڈیا ایپ فیس بک نے معروف و عوامی شخصیات اور برانڈز کے پیجز کو ’لائیک‘ کرنے کا آپشن ختم کرنے کا اعلان کردیا۔

باغی ٹی وی : گزشتہ روز بدھ کو شائع ہونے والی کمپنی کی بلاگ پوسٹ کے مطابق فن کاروں ، عوامی سطح پر مقبول شخصیات اور برانڈز وغیرہ کے فیس بُک صفحات پر سے ’لائیک‘ کرنے کا آپشن ختم کیا جارہا ہے۔

اس حوالے سے کمپنی کا کہنا ہے کہ پبلک پیجز کے نئے ڈیزائن کے مطابق اب یہ پیجز صرف فالوورز کو نظر آئیں گے اور مستقل نیوز فیڈ کے ذریعے صارفین ان پیجز پر دو طرفہ رابطہ کرسکیں گے اور اسی طرح شخصیات بھی اپنے فینز اور فالوورز سے رابطہ رکھ سکیں گی۔

فیس بک نے اپنی بلاگ پوسٹ میں پیجز کے نئے ڈیزائن سے متعلق کہا ہے کہ ہم پبلک پیجز سے لائکس کا آپشن ختم کررہے ہیں اور فالوورز پر توجہ مرکوز کررہے ہیں۔