پاکستانتازہ ترین

ملا ہیبت اللہ اخوندزادہ کی زیر صدارت سپریم کونسل کا 3 روزہ اجلاس ختم، حکومت سازی سے متعلق اہم فیصلے

4 سال قبل
4 سال قبل

قندھار : ملا ہیبت اللہ اخوندزادہ کی زیر صدارت سپریم کونسل کا 3 روزہ اجلاس ختم، حکومت سازی سے متعلق اہم فیصلے ،اطلاعات کے مطابق طالبان کی سپریم کونسل کا اجلاس ختم ہوگیا جس میں حکومت سازی سے متعلق اہم فیصلے کرلیے گئے ہیں۔

افغان طالبان کے ترجمان ذبیح اللہ مجاہد نے ٹوئٹ کرتے ہوئے بتایا کہ سپریم کونسل کا 3 روزہ اجلاس طالبان کے امیر ملا ہیبت اللہ اخوندزادہ کی زیر صدارت قندھار میں ہوا جبکہ یہ اجلاس ہفتے کے روز سے پیر تک جاری رہا۔

 

 

افغان طالبان کے ترجمان ذبیح اللہ مجاہد نے ٹوئٹ کرتے ہوئے بتایا کہ اجلاس میں ملک کی موجودہ سیاسی اور سکیورٹی صورتحال کے ساتھ ساتھ دیگر مسائل پر تفصیلی تبادلہ خیال کیا گیا۔

 

ذبیح اللہ مجاہد کا کہنا تھاکہ اجلاس میں اشیائے ضروریہ کی حفاظت کے ساتھ ساتھ شہریوں کو بنیادی سہولیات کی فراہمی اور ان سے اچھے برتاؤ کا فیصلہ کیا گیا۔

افغان طالبان کے ترجمان ذبیح اللہ مجاہد نےبتایا کہ اجلاس میں نئی اسلامی حکومت اور کابینہ کی تشکیل سے متعلق اہم فیصلے بھی کیے گئے ہیں۔ترجمان طالبان نے بتایا کہ سپریم لیڈر نے سب کو مکمل ہدایات دے دی ہیں اور ذمہ داریوں سے بھی آگاہ کردیا ہے۔

 

 

3 روزہ اجلاس   میں سیکورٹی کی بہتری ، شفافیت این سسٹم ، انتظامی امور ، ریاستی پیسے کے تحفظ اور عوام کے ساتھ اچھے برتاؤ کے بارے میں فیصلے کیے گئے۔

اجلاس ہفتے کو شروع ہوا اور پیر کو اختتام پذیر ہوا جس میں نئی اسلامی حکومت کی تشکیل ، کابینہ کی تشکیل اور سیاسی ، سکیورٹی صورتحال پر بھی تبادلہ خیال کیا گیا۔ طالبان کے سربراہ نے خصوصی ہدایات بھی جاری کیں۔

 

طالبان کی جانب سے تاحال حکومت سازی سے متعلق کوئی اعلان نہیں کیا گیا لیکن رپورٹس سامنے آئی ہیں کہ ملابرادر سپریم کونسل کے اجلاس کے بعد قندھار سے کابل روانہ ہوگئے ہیں اور جلد ہی کابینہ کا اعلان متوقع ہے۔

 

خیال رہے کہ طالبان نے اعلان کیا تھا کہ آخری امریکی فوجی کے انخلا تک حکومت کا اعلان نہیں کیا جائے گا تاہم ڈیڈ لائن سے ایک دن قبل گزشتہ شب ہی امریکی فوج نے انخلا مکمل کرلیا ہے۔

Shares:

مزید خبریں