لودھراں:چاول کی فصل کو کیڑوں سے بچاتے بچاتے اسپرے کرنے والے خود نہ بچ سکے ، اطلاعات کےمطابق لودھراں میں چاول کی فصل پر کیڑے مار اسپرے کرتے ہوئے تین نوجوان جاں بحق ہوگئے۔ اموات مقررہ مقدار سے زیادہ اسپرے کرنے سے ہوئی۔جاں بحق ہونے والوں میں محمد یاسین، وارث علی اور ہیرا نامی نوجوان شامل ہیں۔
ذرائع کے مطابق لودھراں کے نواحی علاقے عبداللّٰہ پور میں اسپرے کرنے والے تین افراد جاں بحق جبکہ ایک کی حالت غیر ہو گئی۔واقعہ کی اطلاع پر مقامی پولیس موقع پر پہنچ جبکہ ایک شخص کو ڈسٹرکٹ ہسپتال منتقل کر دیا گیا ہے۔ ملک حامد نامی شخص کی چالیس ایکڑ چاول کی فصل پر کیڑوں سے بچاؤ کے لیے فصل پر زہریلا اسپرے کیا جا رہا تھا۔
