کراچی : شہر قائد میں 3 روز سے 14 سالہ لاپتہ بچی کی ماں کی قوم سے اپیل
تفصیلات کے مطابق شہر قائد کراچی میں 14 سالہ بچی اپنے ہی گھر کے باہر سے لاپتہ ہوگئی جس کا سراغ 3 دن گذر جانے پر بھی نہ ملا ۔
جے ڈی سی فاؤنڈیشن کے سربراہ ظفر عباس کے مطابق اس بچی کی فیملی آج صبح سحری کے وقت ان کے پاس روتے ہوئے آئی کہ ہماری مدد کی جائے اور ہمیں زندہ بچی دستیاب کرائی جائے ۔ 72 گھنٹے گذر جانے پر بھی وہ بچی نہیں مل سکی ہے ۔ والدین کے مطابق بچی افطاری کے ٹائم پر کچرے کے شاپرز باہر ڈالنے گئی تھی اس کے بعد وہ گھر نہیں آئی جب کہ محلے میں 4 سے 5 کیمرے بھی لگے ہیں اور ایف آئی آر بھی درج کروائی ہے اس کے باوجود نہ ملزمان پکڑے گئے نہ بچی کا سراغ مل سکا ۔
ظفر عباس نے قوم سے اپیل کی ہے کہ اس بچی کو تلاش کرنے میں مدد کی جائے ۔
