لاہور شہر میں تین روزہ لاک ڈاون، پولیس شہر میں کیا کرنے پر مجبور؟

کورونا ایمرجنسی صورتحال،جزوی لاک ڈاؤن کے دوسرا مرحلے کا آغاز۔
جمعہ، ہفتہ،اتوار: لاک ڈاون پر سختی سے عملدامد کے لئے پولیس اقدامات مکمل کر لیے گئے۔ ڈی آئی جی آپریشنز لاہور نے نئے احکامات جاری کر دئیے۔ جس کے مطابق ناکوں پر شہریوں، وہیکلزکی غیر ضروری نقل و حرکت روکی جائے گی۔ تمام مارکیٹیں، بازار، کاروباری و نجی ادارے بند رہیں گے۔ حکومتی ہدایات، ہیلتھ ایڈوائزی کے تحت شہری احتیاط کریں،گھروں تک محدود رہیں۔ صرف مشروط اجازت کی حامل دکانیں اور شعبے مخصوص اوقات کیلئے کھلے رہیں گے۔ ڈبل سواری کے خلاف ایکشن لیں،شہریوں کو کورونا وائرس کے خطرات سے آگاہ کریں۔ لاک ڈاون کی خلاف ورزی پربلاامتیاز کاروائی عمل میں لائیں۔ پولیس افسران اور جوان حفاظتی ماسک،سینٹائزر سمیت کورونا سے بچاؤ کی ایس او پیز پر عمل کریں.